Organizata e Kombeve të Bashkuara (OKB) ka miratuar traktatin e parë global kundër krimit kibernetik.

Ky dokument, i miratuar pas tre vitesh negociatash dhe një sesioni dy-javor në Nju Jork, përfaqëson hapin e parë në krijimin e një kuadri ligjor ndërkombëtar për trajtimin e krimeve kibernetike dhe menaxhimin e të dhënave.

Miratimi i traktatit është bërë të enjten nga Komiteti Ad Hoc për krimin kibernetik dhe do të dërgohet në Asamblenë e Përgjithshme për votim në vjeshtë, përcjell Arbresh.info.

Sidoqoftë, traktati ka hasur në kundërshtim të fortë nga organizatat e të drejtave të njeriut dhe kompanitë e teknologjisë.

Kritikët shprehen shqetësim për faktin se traktati mund të shndërrohet në një instrument për mbikëqyrjen globale, duke lejuar autoritetet që të marrin prova elektronike nga vendet e tjera dhe të kërkojnë nga ofruesit e shërbimeve të internetit dorëzimin e të dhënave. /Arbresh.info